Gönguskíðagarpar

Þá eru allir komnir í hús heilir á húfi eftir að hafa arkað um á gönguskíðum frá því klukkan 8:30.  Krakkarnir okkar voru öll að fara í fyrsta skipti á gönguskíði utan Oddný Helga. Sýndu allir mikil tilþrif og fannst mörgum æðislega gaman.  Virtist það koma þeim mjög á óvart hversu skemmtilegt væri að vera á svona skíðum.  Einhverjir voru líka steinhissa á því hversu lítið mál væri að detta þegar allir hinir væru líka að detta. Oddný og Ólöf fóru í göngu fyrir lengra komna og örkuðu 19 km og er sú eldri frekar þreytt og sveitt þrátt fyrir frostið. Núna erum við að fara í hádegisverð og svo beint í rútu til að komast í bobsleðabrautina.

 Í morgun þá reiknuðum við Ólöf og Ósk með því að erfitt yrði að vekja okkar fólk eftir langan og strangan dag.  Fórum við því af stað um 7:45 og börðum íbúðirnar að utan án þess að nokkur hreyfing yrði.  Ekki leist okkur vel á það og fórum niður í lobbý til að athuga hvort einhverjir væru komnir í mat..... og viti menn.  Allir voru komnir nema við tvær...alveg á síðustu stundu....svona var nú það bara flottir krakkar.

Bloggum meira í kvöld ....kveðja

Athugasemdir

[Bylgja (IP-tala skráð) 1.2.2010 kl. 11:29]

Hæ hæ

HAHA - ekkert mál að vakna þegar það er gaman :D

Ætli þau taki ekki úr þreytuna í fyrsta tíma á föstudag...

Kveðja

Bylgja

[Ásta (IP-tala skráð) 1.2.2010 kl. 15:06]

En krúttlegt - þetta eru svo góðir krakkar

[Íris (Styrkár) (IP-tala skráð) 1.2.2010 kl. 19:40]

Frábært að sjá myndirnar af krökkunum. Brrr... það virkar frekar kalt.

[Margrét Guðmundsdóttir (IP-tala skráð) 1.2.2010 kl. 19:54]

Mikið er gaman að fá fréttir og myndir af þessum hressu krökkum. Eins gott að klæða sig vel í kuldanum. Hér syðst á landinu er 3.stiga hiti og allir að kvarta yfir kulda. Sérstakar kveðjur til Alexöndru ömmu stelpu héðan úr sveitinni.

Amma Magga